Thursday, December 18, 2008

الركنة بئه على الرصيف، يرضى مين الكلام ده؟

يرضى مين كده بجد، أما يقوم الأفندى المحترم صاحب العربية ديه بالركنة على الرصيف بالمنظر ده. طب ساب إيه للناس تمشى عليه؟ مش معقوله يكون الإستهتار والكسل وصلوا بينا للمرحلة ديه... مينفعش نيجى على حق الناس بالشكل ده! الراجل أو الست ديه تجاهل كل القواعد ومش بس ركن غلط، ده أخد حق كل الناس للى ماشية على الرصيف. ده لو الراجل ده كان فى دولة قوانين المرور فيها بتتطبق صح، الراجل ده كانت عربيته حتوحشه كتير وكمان كان هيتحاكم على الإستهتار ده. يا جماعة لازم كل واحد يبقى مسئول عن مصلحة على البلد ومصلحة الناس التانية أكتر من كدة.
المفروض بصراحة أن يكون فى عربيات دورية مرور أكتر من كده ويتدخلو فى موقف زى ده ويسحبو العربية بسبب إعاقة الطريق. مش المفروض أى حد يفرط فى حقه ولا يجى على حق حد، وأنا كان حقى يومها آمشى على الرصيف.
ياريت كل واحد فينا يراعى الناس ويخاف على مصلحة أخوه المصرى زى مصلحته. ياريت!

1 comment:

  1. بص يا معلم أنا هقولك على حاجة قالها غاندى زمان .. اللى هيه "ابدأ بنفسك" يعنى المفروض كل واحد فينا يبدأ بنفسه بس ده مش معناه إننا نقول لأى حاجة غلط لأ وألف لأ .. المشكلة إننا اتعودنا على السلبية واللامبالاة وده عمره ما كان من طبعنا
    انما الامم الاخلاق ما بقيت فان هم ذهبت اخلاقهم ذهبوا

    ReplyDelete